الفين قرار بالاغتيال
الفين دراع........
والفين قرار بالاغتيال
متأجلين
لحين انتهائك من ضحكتك
فياريت بلاش الانتحار
والضحكة تبقى سكتك
تبًت بايدك ع الطريق
وخلى...............
نظرة عنيك...يتولد فيها الأمل
ومد ايدك جوه منك
وبطراطيف صوابعك
شد حلمك..........
اللى ناوى تسبقه كلمة غريق
وبلاش تعيش فى المحتمل
يا صاحبى.........
الليل قدر
وده شئ ومتقدر علينا
لا مفر
والغربة لو مدا البساط
ع المدى......فى جوه ليل
يبقى الكلام مملوك ساعتها
للمطر
وانا مستمع
لكن فؤادى .....لا بيستمع
دى الرعشه مالكه الأفئده
ومفيش ملام...
ولا مجال للاعتذار
( أكون .....أو ....لا أكون )
قبل النهاية المحتمة
تفتكر !!!!!!!!!!
هيكون لـــ فين الاختيار ؟
الأحد يونيو 29, 2008 8:29 pm