انا مابخفش وحفضل اقول
كلمة حق عليها مسئول
ان الريس راجل طيب
وبشعبه دايما مشغوووول
مشغول انو يلم فلوسها
برة سويسرا ويحوشهلنا
وف حسابات سرية يشلها ... نفسه يامن مستقبلنا
شفتو ازاى بقه قلبه رحييييييم
عنده ايمان وضميره سليم
بيجوعكوا لجل تخسوا
اه ياشعب محتاج لرجيم
من جهلكوا بتقولوا بطالة
وان الاحوال مش شغالة
دا الراجل نفسه يريحكم
هى الراحة تبقي عوالة ؟؟
اما بقي حكاية المنتجعات
ليه بتسموها معتقلات؟؟؟؟
ليه الظن وسوء النية
نفسه يفسحكوا يابهوات
اما الكرسي واللى تقال
دا كلام مش محتاج سؤال
الغلطة دى غلطتنا ياعالم
ان مجبناش كرسي تيفال
والله انتوا ظالمين الراجل
ضيع عمره ومين يستاهل
حتى الاكل بيكله بدالنا
طالع واكل نازل واكل
ماله الريس بعد دا كله ؟؟؟؟
الأحد يونيو 29, 2008 8:27 pm