خرج بن ادم من العدم قلت ياه رجع بن ادم للعدم قلت ياه تراب بيحيا وحي بيصير تراب الاصل هو الموت ولا الحياه عجبي!
ياما صادفت صحاب ومصحبتهمش وكاسات خمور وشراب ومشربتهمش اندم على الفرص الي انا سبتها ولا على الفرص الي مسبتهمش عجبي!!!!!
و الكون ده كيف موجود من غير حدود وفية عقارب لية وتعابين ودود عالم مجرب فات و قال سلامات ده ياما فية سؤلات من غير ردود عجبي!!!
انا شاب لكن عمري الف عام وحيد لكن بين ضلوعي زحام خايف ولكن خوفي مني انا اخرس لكن قلبي مليان كلام عجبي!!!
يا باب اه يا مقفول....امتة الدخول صبرت ياما والي يصبر ينول دقيت سنين والرد يرجع لمين؟ لو كنت عارف مين انا كنت اقول عجبي!!!
يا قرص شمس مالهش قبة سما يا ورد من غير ارض شب ونما يا اي معنى جميل سمعنا عليه الخلق ليه عايشين حياه مؤلمة عجبي!!!
شاف الطبيب حرجي وصفله الامل وعطاني منه مقام يادوب مااندمل مجروح جديد يا طبيب وجرحي لهيب ودواك فرخ مني واية العمل عجبي!!
عجبتني كلمة من حروف الورق النور شرق من بين حروفها وبرق جيت اشيلها في قلبي قالت حرام دانا كل قلب دخلت فية اتحرق عجبي
الأحد يونيو 29, 2008 8:20 pm